راندا البحيري: تداول رواد السوشيال ميديا ومواقع التواصل الاجتماعي، مقطع فيديو لفتاة كويتية تهين فيه العمالة المصرية، المتواجدة فى الكويت، وأطلقت عليهم اسم” خدامين”
واستفز ذلك المقطع العديد من المصريين الذين تداوله بشكل كبير، وطالبوا وزيرة الهجرة بالتدخل الرسمي، وأيضا طالبوا السلطات الكويتية باعتذار رسمي، وحبس تلك الفتاة.
ونشرت الفنانة راندا البحيري عبر حسابها الرسمي على موقع تبادل الصور والفيديوهات” انستجرام” مقطع الفيديو الخاص بالفتاة الكويتية
وعلقت البحيري قائلة” يا نهار أسود والله ما مصدقة نفسي عيب والله تانى حاجة أنا عايزة حقي بلدى اتشتمت مصر اتشتمت والمصريين اتشتموا واتهانوا يا كوايته أنا واحدة من الناس بعتبر كل بلاد الدنيا بلادى”
وتابعت قائلة” أنا بشوف كل العالم بتاعي ومؤمنة الإنسانية وإننا كلنا بشر وممكن أعمل خير لأى حد ممكن مش من لوني، ولا جنسي، ولا من عرقي، وعمرى أصلا ما ركزت مع جنسية حد ”
وتابعت قائلة” الموضوع ده كتر أوى إهانتنا كل يوم ده شئ ما يتسكتش عنه لو مش عاوزين العمالة اللى عندكم يا معالى الوزيرة وزيرة الهجرة نبيلة مكرم الناس اللى شغالة لعلهم يقدروا يشتغلوا من غيرنا يا إما بعد إذنكم اعتذار وقرار صارم لهذه السيدة بالسجن”
واختتمت حديثها قائلة” بعد إذنكم مش قادرة أتحمل الإهانة دى على ولاد بلدى المغتربين”