كشف رجل الأعمال حسن سامي زوج الفنانة داليا البحيري عن آخر تطورات حالته الصحية، وذلك بعد إصابته بفيروس كورونا المستجد” كوفيد19″ وعلق على قرار إلغاء الحظر نسبيا.
كما أوضح مدى مراحل تطور الفيروس، وشدته، ولكن أعلن أن حالته الصحية مستقرة.
وكتب قائلا”الحق اقول الكلمتين اللي عندي قبل ما تنتشروا في شوارع المحروسة من بكرة اولاً اطمن كل احبابي و اصحابي اني في نعمة و فضل من ربنا، و منتظر فرجه قريباً بكرة اكمل ١٤ يوم و اعمل المسحة بعد بكرة إن شاء الله”
وتابع قائلا “ثانياً و دة الاهم، اللي كان محافظ علي نفسه كان بيعمل كدة لأنه خايف من الكورونا مش علشان في حظر، يعني عودة الحياة التجارية الي طبيعتها مالوش علاقة إنك تستمر تخاف علي نفسك، و كمان اكتر من الأول انا مريت بالتجربة و احب اقولكم إن الفيروس دة وحش قوي و اوحش من مرات كتير مرضت فيها، لأنه ببساطة بيجبر الواحد ينعزل عن العالم الخارجي. يعني تقعد علي الاقل اسبوعين لوحدك تماماً، يعني مش من حق اي حد مهما كان قريب منك انه حتي يديلك الحضن و الحنية و الإهتمام اللي اي مريض بياخدهم، كله بالتليفون”
وأضاف”مش دلع والله بس بجد فيروس بيتعب الأعصاب جداً، و محتاج روح معنوية قوية علشان تتغلب عليه طيب، نصيحة بقي من مجرب، لو سمحتم بما إن الكل هينتشر، يبقي اللي يحس بأي عرض ولو ارتفاع بسيط في الحرارة أو وجع خفيف في الحلق، ولا حتي كحة خفيفة لا تذكر ياريت يلتزم العزل فورا، و يبدأ أجراءات التأكد، تحاليل و اشاعة علي الصدر، لأن السيطرة بدري بتخلي المواضيع سهلة بإذن الله و بتحمي الناس اللي مخالطة لك ربنا يحمي الجميع و يسترها علي كل حبايبكم”