حرصت الفنانة شيماء سيف على حضورتشييع جثمان الفنانة رجاء الجداوي إلى مثواها الأخير فى مقابر الأسرة بمنطقة البساتين بمحافظة الإسماعيلية، الذى رحلت عن عالمنا صباح اليوم، عن عمر يناهز ال82 عاما، متأثرة بإصابتها بفيروس كورونا المستجد” كوفيد 19″

ونشرت الفنانة شيماء سيف عبر حسابها الرسمي على موقع تبادل الصور والفيديوهات الشهير” انستجرام” مقطع صوتي للفنانة رجاء الجداوي لها، وهى تعبر عن حبها الشديد إليها، وأيضا تتطمئن على حياتها الشخصية مع زوجها كأنها والدتها.

وكتبت شيماء سيف قائلة”كانت صحبتى وحبيبتى وزى امى ربنا يعلم محبتك فقلبى من اول يوم اتقبلنا وكان تانى عمل ليا كنت صغيرة اول ماشوفتينى ضحكتى وقولتيلى انتى قلبك ابيض زى اميرة بنتى وبتفكرينى بيها وربنا هيكرمك فى شغلك وهتفتكرى كلامى بس اهم نصيحة هقولهالك هى احترام المواعيد فى شغلنا ومن يومها وأنا ماشية بنصيحتك وبقينا اعز أصحاب ولما اشتغلنا سوا بعدها فعلا كانت احلى ايام كنت بروح اللوكيشن علشانك علشان افضل معاكى وتحكيلى كل زكرياتك”

وتابعت قائلة” ويوم فرحى عمرى ماهنسى نظرتك ليا وفرحتك بيا كانك امى بالظبط وزادت فرحتى لما جيتى سكنتى جنبى وبقيتى تصحى الصبح تقوليلي تعالى حالا نفطر سوا وحشانى انزل جرى اجيلك وعمرها ما كانت بترسى على فطار لا ده انا كنت بمشى من عندك اخر الليل من كتر ماكنتى مابتسبنيش امشى عشان قعدتنا حلوة وروحك حلوة انا بحبك اوى واوعدك عمرى ماهنساكى وهفضل ادعيلك لاخر يوم فعمرى ربنا يرضى عنك ويثبتك عند السؤال ويجعل ألمك وخوفك في ميزان حسناتك اللهم لقنها حجتها واغفر لها وارحمها
إنا لله وإنا إليه راجعون”