أجرت أميرة مختار ابنة الفنانة رجاء الجداوي، مداخلة هاتفية مع الإعلامي عمرو أديب خلال برنامجه” الحكاية” المعروض على قنوات” إم بي سي مصر” وحلقة خاصة ومميزة عن الفنانة رجاء الجداوي.
وانهارت أميرة مختار ابنة الفنانة رجاء الجداوي بالبكاء على الهواء مباشرة أثناء الحديث عن والدتها، مؤكدة أن والدتها كانت مثال للحب والعطاء.
وتابعت أميرة مختار قائلة” مامي يا عمرو عمرها ما فكرت فى نفسها دايما كانت بتفكر فى اللى حواليها عمرها ما قالت تشترى حاجة لنفسها بالعكس كانت تقول اشترى لرضوى اشترى لأميرة مامي كانت حاجة تانية خالص”
وأضافت” كانت دايما بتدعيلك يا عمرو أنت ولميس وتدعى لكل اللى بتحبهم لحد ما كانت فى العزل كانت بتسأل على الكل”
وأضافت قائلة” رضوى بنتى منهارة لأنهم فى الفترة الأخيرة دى كانت بينهم كيميا فظيعة بيحبوا القراءة جدا وبيندمجوا مع بعض يا عمرو رضوى منهارة جدا ”
ورد عليها عمرو أديب قائلا” يا أميرة لازم تفتخرى إنك بنت الغالية رجاء الجداوي يا بنتى أنتى تدخلي أى مكان وتقولي بس أنا بنت رجاء الجداوي وشوفي إيه اللى هيتعملك”
واختتم حديثه مع أميرة مختار قائلا” يا أميرة إحنا كلنا جمبك زى ما رجاء كانت جمبنا كلنا إحنا جمبك ومعاكي”
وداعا سمراء القاهرة الفنانة القديرة الموهبة الفنية الإبداع والطراز الرفيع رجاء الجداوي